"Барселона" Неймар Мессидан кўпроқ маош оладиган формулани топди
18 окт 2016 10:45
Новости

"Барселона" Неймар Мессидан кўпроқ маош оладиган формулани топди

Теги : Неймар

"Барселона" раҳбарияти ўтган мавсум давомида ва мавсумлар оралиғида ҳужумчи Неймарга боғлиқ жиддий муаммога дуч келишди.

Бразилияликнинг хизматларига Европанинг бир нечта гранд клуби қизиқаётган эди (уларнинг орасида "Реал" ҳам бор). Неймарга жуда катта маош, жамоанинг етакчиси бўлишни таклиф қилишди. Шунга қарамай Неймар "Барселона" билан шартномани 2021 йилгача узайтирди, аммо клуб раҳбарияти футболчи борасида молиявий муаммони ҳал қилиши керак эди.

Маълумотларга кўра, испан гранди масаланинг ечимини топди: Неймарнинг йиллик маоши 15 млн. евро бўлади ва унинг натижаларига қараб яна 10 млн. евро бонус сифатида тўланади. Бу бразилиялик урган голлар, ўйнаган учрашувлар, жамоа муваффақиятлари ва яна шунга ўхшаш натижаларга боғлиқ. Бунинг барчаси Неймарнинг шартномасида кўрсатиб ўтилган. Аммо манбаларнинг хабарига кўра, ҳужумчи бу шартларни тўлиқ бажармаса ҳам 10 млн. евро олади. Демак, Неймарнинг йиллик маоши 25 млн. еврога етади ва унинг клубдан оладиган йиллик даромади Мессиникидан 3 млн. еврга кўп бўлади.

Ссылка :

Источник : Marca

Получайте новости прямо в Telegram!

Рейтинг: +8