Баҳодир Насимов: "Жамоам ғалабасига ҳисса қўшганимдан мамнунман"
16 апр 2016 21:35
Новости

Баҳодир Насимов: "Жамоам ғалабасига ҳисса қўшганимдан мамнунман"

"Бунёдкор" ҳужумчиси Баҳодир Насимов "Олмалиқ" дарвозасига иккита гол киритиб, жамоаси ғалабасига муносиб ҳисса қўшди ва ўйиндан кейин ўз фикрлари билан ўртоқлашди.

- Тезкор гол уриб олиш жуда муҳим эди ва буни уддаладик. "Олмалиқ" жамоаси яхши ва ўйин қийин кечишини билардик. Тезкор киритилган голимиз бизга ғалаба қозонишимизга ёрдам берди. Ҳужумчи ҳар доим гол уриши керак. Кўп жиҳатдан жамоанинг ғалаба қозониши ҳужумчининг гол уришига боғлиқ. Яхши ҳужумчи бир йилда 20та гол уриши шарт эмас. Яхши ҳужумчи бир мавсумда 15-16та гол киритса етарли. Гол уриб жамоам ғалабасига ҳисса қўшганимдан хурсандман. Тўпурарлик кейинги режаларимдан ўрин олган. Аввало жамоамнинг ғалабаси биринчи ўринда туради. Олдимизда "Лаҳвия"га қарши жиддий бахс турибди. Бу ғалабани эсдан чиқариб, эртадан бошлаб бўлажак беллашувга тайёргарлик кўрамиз. Имкониятларимиз ҳақида бир нарса дейиш қийин. Бизнинг мақсад иккала ўйинда ғалаба қозониш. Қолганини эса кейин кўриб билиб оламиз. Кўп нарса бошқа ўйинларга ҳам боғлиқ. Яхши ният қилган ҳолда "Лаҳвия" билан бўладиган ўйинларда ғалаба қозонишга ҳаракат қиламиз.

Ссылка :

Источник : championat.asia

Получайте новости прямо в Telegram!

Рейтинг: +1