RU

Последние новости

16:26Жейми Вардининг навбатдаги жамоаси маълум!  0 15:52Пол Паркер: "Де Хеа қайтмаса керак"  1 15:30Эрик тен Хаг истеъфога чиқиш арафасида  6 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  14 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0 13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  6 12:50"Барселона" Ла Лигада Шенснини рўйхатдан ўтказди  1 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  1 11:58Меҳди Таремининг янги клуби маълум  2 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  4

Баҳодир Аҳмедов: "Терма жамоага муносиб номзодлар сараланмоқда" Новости

Баҳодир Аҳмедов: "Терма жамоага муносиб номзодлар сараланмоқда"

Хабарингиз бор, 19 ноябрдан бошлаб Самарқандда футзал бўйича олий лиганинг 1-босқич 2-тур учрашувлари старт олди.
Биз шу фурсатдан фойдаланиб, футзал бўйича Ўзбекистон миллий терма жамоаси бош мураббийи Баҳодир Аҳмедов билан суҳбатлашдик.

- Баҳодир ака, терма жамоамиз бош мураббийи сифатида бўлиб ўтаётган миллий чемпионат борасида қандай фикрдасиз?

- Аввало барча учрашувларни кузатиб бораётганимни ва бу орқали терма жамоага энг муносиблар саралаб олинаётганини айтиб ўтишим керак. Йилдан йилга футзал бўйича Ўзбекистон чемпионати кучайиб бормоқда. Футзал ихлосмандлари ва учрашувларни томоша қилаётган томошабинлар бунинг гувоҳи бўлмоқда. Ёшларнинг кўплиги мени хурсанд қиляпти ва шуларга кўпроқ эътибор беряпмиз. Чемпионатнинг кучайиши терма жамоага катта мадад бўлади. Бу борада яна шуни қўшимча қилиб ўтишим керак, бундан уч-тўрт йил олдин фақат "Ардус" ва "Строитель-Зарафшон" жамоаларини билардик. Энди бўлса, бир нечта тенг кучли рақиблар бор. Ҳеч бир ўйинда фаворитни аниқ айта олмаслик ҳам рақобат кучли эканлигидандир.

- Жамоалар ўртасидаги рақобат ўз самарасини беряптими?
- Албатта, натижасини кўряпмиз. Мана яқинда Осиё чемпионатига саралаш баҳсларида ҳам ижобий натижани қўлга киритдик. Ҳозирда барча клубларни маҳаллий мураббийлар бошқармоқда ва бу ҳам қайсидир маънода чемпионатда мураббийлар савияси ошишига олиб келади. Испаниядан келган мураббийлар ҳам футзал ривожида ўз ҳиссаларини қўшиб кетди. Улардан маҳаллий мураббийларимиз ва футзалчиларимиз кўп нарсани ўрганди.

- Терма жамоа ҳақида ҳам тўхталиб ўтсангиз?
- Ҳозир мана шу босқич орқали тайёргарлик олиб боряпмиз. Февраль ойидан бошлаб хорижда йиғин ташкил этишни режалаштирганмиз. Ҳозирда асосан ёшларга эътабор қаратяпмиз ва шу орқали Осиё чемпионатига тайёрланиб бормоқчимиз.

- Терма жамоамиз Осиё чемпионати саралаш босқичидан муваффақиятли ўтди, лекин шунга қарамай Эрон клубига йирик мағлубиятга учради. Бу борада фикрингиз қандай?
- Биз бунга жиддий эътабор қаратганимиз йўқ. Терма жамоага номзод ёшларни синовдан ўтказиб олдик. Натижадан бўлмаса ҳам кўрсатган ўйиндан хурсанд бўлдим. Биз уларни катта баҳсларга мослаштириб бормасак бўлмайди.

- Терма жамоа олдида қандай режалар бор?
- Февралда Озарбойжонда ўқув-машғулот йиғинини ташкил этмоқчимиз. Ундан ташқари, Тошкентга Европанинг кучли жамоаларини ўртоқлик учрашуви ўтказиш учун таклиф этмоқчимиз. Иккинчи йиғин эса Португалияда ташкиллаштирилади.

- Осиё чемпионатида терма жамоа олдига қандай мақсад қўйилади?
- Биз совриндор бўлиб қайтмоқчимиз.

Ҳумоюн Давуров суҳбатлашди.
Рейтинг:    

Комментарии

championat.asia
< посмотреть последние новости
Яндекс.Метрика