Айбек Нурбаев: "Бугунги мағлубиятга мен жавобгарман. Ўзгартиришларда хатога йўл қўйдим"

– "Олимпик Мобиуз"ни ғалаба билан табриклайман. Рақиб ўйинга яхши тайёрланган. Биз бугун ўз ўйинимизни кўрсата олмадик. Биринчи бўлимдаги имкониятлар ҳам кўкка совурилди. Иккинчи бўлимда ўзгартиришлар қилишга мажбур бўлдим. Аммо барибир ўйинимиз чиқмади. Алмаштирилган ўйинчилар кутилгандек натижа беришмади. Бугунги мағлубиятга мен жавобгарман. Ўзгартиришларда хатога йўл қўйдим. Йигитлар борларини беришмоқда. Мухлислар кутган ўйинни кўрсата олмадик. Мухлисларга раҳмат айтаман ва улардан узр сўрайман. Олдинда ўйинлар кўп. Кейинги ўйинга яхши тайёргарлик кўрамиз. 

– "Олимпик Мобиуз"нинг бугунги учрашувдаги ҳаракатларига қандай баҳо берасиз?

– Уларнинг ҳамма ўйинларини кўриб чиқдик. Жамоага Суперлигага чиқиш вазифаси қўйилган. Йилдан йилга кучайиб бормоқда жамоа. Олдинги ўйинда "Локомотив"ни мағлуб қилишди. "Олимпик Мобиуз" бу йил жуда кўп жамоани қийнайди.

– Жамоанинг психолодик ҳолати қандай деб ўйлайсиз? Ғалаба қозониш учун айнан шу жиҳат панд бермаяптими?

– Бу тарафлама йигитларни қўллаб келяпмиз. Бугунги ўйинда йигитларда психологик томондан муаммо бўлмади. Яхши ўйин кўрсатсак ҳам натижага эриша олмаяпмиз.