"Арсенал" қишда Кайседони, ёзда эса Райсни сотиб олиши мумкин

"Арсенал" "Брайтон"дан ярим ҳимоячи Мойзес Кайседони сафига қўшиб олмоқчи.

"The Telegraph" хабарига кўра, Лондон клуби қишда ярим ҳимоя чизиғини кучайтирмоқчи ва Кайседо бу позиция учун вариантлар рўйхатида. "Арсенал" ҳозирда "Челси" ва "Ливерпуль" қизиқиш билдираётган футболчи учун таклиф билан чиқишни кўриб чиқмоқда.

"Брайтон" 21 ёшли ярим ҳимоячи учун 75 миллион фунт (85 миллион евро)дан кўпроқ сўраяпти. "Брайтон" аввалроқ Кайседони "Челси"га 55 миллион фунтга сотмаган эди.

"Челси" узоқ вақтдан бери "Брайтон"да Грэм Поттер билан бирга ишлаган Кайседо учун курашда пешқадамлик қилмоқда, аммо "Арсенал"нинг қизиқиши туфайли вазият ўзгариши мумкин.

"Арсенал"нинг ёздаги асосий мақсади – бу "Вест Хэм" ярим ҳимоячиси Деклан Райс. Бироқ унга бўлган қизиқиш қишда ярим ҳимоя чизиғига футболчи сотиб олишга тўсқинлик қилмайди.

"Арсенал" ушбу трансфер ойнасида "Брайтон"дан бир футболчини сотиб олди – Леандро Троссард 21+5 миллион фунтга ўтди.

Кайседо жорий мавсум "Брайтон" сафида барча мусобақалар доирасида 21 та ўйинда майдонга тушиб, 1 та гол урди ва 1 та голли узатмага муаллифлик қилди.