Анвар Бердиев: "Ким Бо Йонгнинг ўрнига иккинчи даврада футболчи олишга ҳаракат қиламиз"

"Ўйинни кўрдинглар осон бўлгани йўқ. Шундай қийин учрашувда йигитлар ирода кўрсатишди. Бизни қўллаб-қувватлаб турган мухлисларга, клубимиз раҳбарларига миннатдорчилик билдирамиз", - дейди Анвар Бердиев. 

"Ғалаба билан барчани табриклайман. Рақиб яхши шаклланган жамоа эди. Жамоавий ўйин ҳисобига ғалаба қозондик. Албатта фаолиятимда шунга ўхшаш голлар бўлган. Ҳар бир голнинг қадри ўзгача", - дейди Аъзам Алиев.

- Рақиб сафидаги Микола Агапов борасида ҳимоячиларга кўрсатма берганмидингиз?

- "Машъал"нинг "Андижон"га қарши ўйинини стадиондан кузатдим. Микола Агапов яхши ҳужумчи эканлигини, вазиятлардан фойдаланиб кетиши мумкинлигини ҳимоячиларга айтгандим. Ўша вазиятни яна кўриб чиқамиз. Камчиликларни тўғрилашга ҳаракат қиламиз.

- Ўйин якунида мухлислар Ким Бойонг билан хайрлашишди. У жамоани расман тарк этди. Трансферлар вақтида унинг ўрнига бошқа футболчи олишни режалаштиряпсизми?

- Иккинчи даврада футболчилар оламиз. Ҳозирда таркибимиздаги қанот ҳужумчиларининг ҳаммасида жароҳат бор. Шунга қарамай шогирдларим ирода кўрсатишди. Улардан мамнунман.