Андрей Фёдоров: "Локомотив" атрофидаги гап-сўзлар бизга умуман таъсир кўрсатгани йўқ"

Барчани ғалаба билан табриклайман. Қаршида бизга осон бўлмаслигини, жуда оғир ўйин ўтказашимизни кутгандик. Аслида ҳам шундай бўлди. Муҳими, натижа қониқарли бўлди. Шу ўринда ҳар 2-3 кунда ўйин ўтказиш даври тугагани ва танаффусга яхши кайфиятга чиқиб кетаётганимиз билан табриклайман. Энди чемпионатда бироз тўхталиш бўлади. Нафасни ростлаб оламиз.

Ўйин олдидан "Локомотив" атрофидаги гаплар? Йўқ, биз ўз режамизга мувофиқ ўйинга тайёргарлик кўргандик. Мураббийлик иши шундай, бугун сен ишлаб турасан, эртага эса сени ишдан олишлари мумкин. Мураббий тақдири шунақа. Лекин мазкур гап-сўзлар, миш-мишлар менга ҳам, жамоага ҳам умуман таъсир этгани йўқ. Буни бугунги ўйин ҳам исботлаб турибди. Ҳеч қандай асаббузарликсиз ўйинни ўтказдик. Ўзимизнинг футболни ўйнадик. "Локомотив" ҳар бир ўйинга фақат ғалабани кўзлаб тушади. Бошқа йўл йўқ. 

Муҳаммадиевнинг ҳолати? Афсуски Муҳаммадиев узоқ муддатга сафдан чиқди. 

"Локомотив"нинг олдида доим чемпионлик вазифаси қўйилади. Бошқача вазифа йўқ. Биз пешқадам "Пахтакор"га етиб олиш ва чемпионликни яна ҳимоя қилиш учун бор имкониятларимизни ишга соламиз.