RU

Последние новости

22:19“Андижон” – ОКМК учрашувидаги баҳсли вазият бўйича изоҳ  2 22:09Саудия Арабистони. "Ал Иттиҳод" - "Ал Насср" баҳси асосий таркиблари маълум!  5 21:58Миржалол Қосимов: "Мағлубиятга лойиқ ўйин кўрсатмадик"  1 21:37Мирко Йеличич: "Натижадан мамнунман, аммо ўйинимизни яхшилашимиз керак"  0 21:20Неъматулла Қуттибоев: "Ҳали ҳеч ким ҳеч нарса йўқотмади. Кураш сўнгги тургача давом этади"  0 20:59Суперлига. "Андижон" ўз майдонида ОКМКдан устун келди  45 20:15Ўзбекистон ва Қозоғистон ёшлар ҳамда ўсмирлар жамоалари ўртоқлик учрашуви ўтказади  1 19:59"Ливерпуль" Жота оиласига 2 йиллик шартнома бўйича маошни тўлаб берди  2 19:35"Арсенал" ва "Челси" Кенан учун рақобатлашади  4 19:10"Ал Ҳилол" юлдузи Қаршига келмайдими?  12 18:44"Рақиблар бироз кучлироқ эди, аммо бизда бошқа устунликлар бор". Сергей Чигодаев — Ўзбекистон U-16 терма жамоасининг Европа турнеси ҳақида  5 18:23"Барселона" "Боруссия" тўпурарини харид қилмоқчи  6 17:58Про лига. "Локомотив" тур марказий баҳсида "Арал"ни мағлубиятга учратиб, пешқадам бўлиб олди  6 17:42Экитикега ҳеч қандай жазо тайинланмайди. Слот жарима ҳақидаги миш-мишларни рад этди  0 17:19Тимур Кападзе "Энфилд"да бўлди  20

Алишер Никимбаев "Нефтчи" - "Турон" учрашувидан кейинги вазият бўйича фикр билдирди Новости

Алишер Никимбаев "Нефтчи" - "Турон" учрашувидан кейинги вазият бўйича фикр билдирди

Таниқли футбол мутахассиси ўз саҳифаси орқали юзага келган тартибсизлик бўйича изоҳ берди.

"Менга икки кундан бери Фарғонадан видеолавҳалар юбориб, вазият бўйича изоҳ беришимни сўрашмоқда. Аслида ҳамма нарса аниқ бўлса, нимани изоҳлаш керак? "Нефтчи" футболчилари ва мухлислари футболнинг барча қонунларини ва ҳаттоки Жиноят кодексининг айрим моддаларини бузишди. Айбдорлар жазоланиши керак. Ҳакам хатога йўл қўйдими ёки йўқ, муҳим эмас.

Бошқа томондан, "Нефтчи" билан биргаликда ПФЛ ва учрашувда иштирок этган унинг барча ходимлари содир бўлган воқеалар учун жавобгарликни ўз зиммаларига олишлари лозим. Ёдингизда бўлса, ушбу ўйин юқори савияда ташкил этилишини таъминлаш мақсадида икки кун ортга сурилганди. Биз ана шу савияни кўрдик. ПФЛда турли соҳаларда кўплаб мутахассислар бор, фақат биттасидан ташқари - мусобақаларни ташкил қилиш (мен яна учта ёки тўртта соҳани санаган бўлардим, лекин ҳозир биз битта соҳа бўчича гаплашамиз).

ПФЛнинг баёнотида айтилишича, Фарғонада 8 кишидан иборат ишчи гуруҳ бўлган. САККИЗ!  Ҳатто ФИФА ва ОФК ҳам қийинчилиги юқори бўлган баҳсларга кўпи билан 4-5 кишини юборади. Бу ерда эса 8 та.

Савол туғилади, бу одамлар икки кун давомида нима қилишди? Уларнинг бирортаси орган вакиллари билан жамоат тартибини сақлаш режасини муҳокама қилганми? Агар трибунада пандемия даврида рухсат берилганидан кўпроқ томошабин ўтирган, ижтимоий масофага амал қилинмаган бўлса, ўйинга қандай тайёргарлик кўрилганди?

Мен трансляцияни кўрмадим, лекин лавҳаларга кўра 80-дақиқадан бошлаб мухлислар ҳакамликдан норози эканликлари аниқ кўрина бошлади. ПФЛнинг ушбу саккиз нафар ходими 80 дақиқадан то финал ҳуштагигача нима билан шуғулланган? Мабодо вазият тақозо этгудек бўлса, улар ҳакамларларни ҳимоя қилиш учун жамоат тартибини сақлаш ходимлари билан алоқа қилдиларми? Нега ушбу 8 нафар ходим ҳакамлар учун майдондан кийиниш хонасига қадар йўлак ҳосил қилмади?

Бу саволларга ПФЛ жавоб беради деб ўйламайман. Жавоблар ўрнига улар хоҳлаган нарсалари ҳақида гапиришни афзал кўришлари аллақачон анъанага айланган. Фақатгина ПФЛни жавобгарликка тортишга қодир одамлар Ўзбекистонда бор-йўқлигини тушуниш кифоя. Мен энг оммабоп нашрларда эмас, унчалик машҳур бўлмаган иккита ОАВда учрашув ташкилотчиларига нисбатан қилинган танқидларни кўрдим. ПФЛнинг ўзида на Ижроия қўмита ва на ходимлар ҳисобот берадиган бошқа бирон бир ташкилот мавжуд. Ҳамма умид Ўзбекистон футбол ассоциациясиданми?", - дейди Алишер Никимбаев. 

Рейтинг: +34   

Комментарии

championat.asia
< посмотреть последние новости
Яндекс.Метрика