RU

Последние новости

01:06Умар Эшмуродов: "Футболимизнинг камчиликлари билиниб қолди"  0 00:27Жавоҳир Сидиқов: "Ютса жамоа ютади, ютқазса ҳам жамоа ютқазади"  5 00:18Элит ОЧЛ. "Насаф" - "Ал Ҳилол" 2:3  2 00:00ОФК ЭЧЛ. Ҳамробеков жамоаси дуранг ўйнади  0 23:24Камолиддин Тожиев : "Охиригача курашиб, муҳим уч очкони қўлга киритдик"  0 23:08Февзи Давлетов: "Ғалаба қозониш учун гол уриш керак, биз эса уч ўйиндан буён гол ура олмаяпмиз"  2 23:00"Насаф" бош мураббийи Рўзиқул Бердиев: "Бугун савия ва даража ўз сўзини айтди"  28 22:47"Ал Ҳилол" бош мураббийи Симоне Инзаги: "Икки бор тўп ўтказиб юборган бўлсак-да, якунда ғалабага эришдик"  18 22:27Ҳакамлар маркази "Пахтакор" - "Сурхон" ўйинидаги баҳсли вазият бўйча изоҳ берди  1 22:01УЕФА Исроилни четлатишга тайёр, аммо...  10 21:02Суперлига. Сергеевнинг ягона голи "Пахтакор"га "Сурхон" устидан қийин ғалабани келтирди  63 20:43Элит ОЧЛ. "Насаф" ўз майдонидаги жанговар ўйинда "Ал Ҳилол"га ютқазди  303 20:10Суперлига. "Динамо" ўз уйида "Шўртан"дан устун келди  12 19:50Моуринью ЕЧЛнинг янги формати ҳақида: "Ўзингиз рўбарў келмайдиган жамоаларга ўрнингизни бўшатиб бериш ғалати"  5 19:18Испания Суперкубоги учрашувлари санаси маълум  6

АГМКнинг янги футболчилари қайси рақамда ўйнашлари маълум Новости

АГМКнинг янги футболчилари қайси рақамда ўйнашлари маълум

АГМК жамоаси 2021 йилги мавсум олдидан ўз таркибини 8 нафар янги футболчи билан кучайтирди.

Қишки трансфер ойнаси вақтида АГМК ҳозирча 8 нафар янги футболчи билан шартнома имзолади. Булар дарвозабон - Ботирали Эргашев, ҳимоячилар Дилшод Аҳмадалиев, Аббос Отахонов, универсал футболчи Владимир Козак, ярим ҳимоячилар Санжар Шоаҳмедов, Шоҳруҳ Гадоев, Элвин Фортес ва ҳужумчи Александр Касьян.

Мазкур футболчиларга бугун жамоа либослари топширилди ва уларга АГМК сафида ёрқин ўйин кўрсатиб, жамоа билан катта ютуқлар ва совринларни қўлга киритишда омад тиланди. Ботирали Эргашев жамоа сафида 1-рақам остида ҳаракат қилишни маъқул кўрди. Аббос Отахонов 15-рақам, Дилшод Аҳмадалиев 77-рақам, Владимир Козак 29-рақам, Санжар Шоаҳмедов 22-рақам, Шоҳруҳ Гадоев 28-рақам, Элвин Фортес 94-рақам ва Александр Касьян 18-рақамни танлади.


Ботирали Эргашев: "Янги мавсумни интиқлик билан кутяпман. Бу йил иштирок этадиган мусобақаларимиз кўп ва унда АГМК катта марраларни кўзламоқда. Тезроқ Олмалиқдаги стадионга мухлисларни кўриш ва уларни хурсанд этиш хоҳиши юқори".



Аббос Отахонов: "Катта мақсадларни кўзлаётган жамоа сафига келганимдан хурсандман. Янги мавсумда Олмалиқ шаҳрига катта ғалабаларни тақдим этишни режа қилганмиз. Умид қиламанки, 9 март куни мухлислар стадионда ажойиб муҳитни яратиб, бизни қўллаб-қувватлашади. Биз эса ўз ўрнида уларни ғалаба билан хурсанд этишга чоғланганмиз".



Дилшод Аҳмадалиев: "Аввал айтганимдек, АГМК жамоасига келганимдан бахтиёрман. Тезроқ янги жамоам либосида майдонга тушиб, мухлисларга ёқадиган футбол намойиш этиш илинжидаман. Янги мавсумда режалар катта ва уларни амалга оширишимиз йўлида мухлислар билан бир жамоага айланиб, катта ютуқларни қўлга киритамиз деган умиддаман".


Владимир Козак: "Мен 12 йил деганда жамоа алмаштирдим ва бежизга АГМКни танламадим. Буни мавсум давомида ўйинларим билан исботлашга ҳаракат қиламан. Янги мавсумда бизни узоқ йўл кутмоқда. Ўша узоқ йўлнинг финишига биринчи бўлиб боришни режалаштирганмиз. Бу йўлда эса бизга асосий кўмакчи бу олмалиқлик ишқибозлар бўлишига шубҳа йўқ. Биз уларга ғалабаларни тақдим этишга астойдил ҳаракат қиламиз".


Санжар Шоаҳмедов: "Олмалиққа қайтганимдан хурсандман. АГМК билан юқори мақсадларни кўзлаганмиз. Ниҳоят ўзимнинг севимли жамоам билан ўйлаган ниятларимга эришмоқчиман. Олмалиқлик мухлисларни яхши биламан, улар янги мавсумда жамоамизни ажойиб тарзда қўллаб-қувватлашларига ишонаман. Улар жуда маданиятли ва жамоага фидойи мухлислар. Очиғи, мавсум стартини катта соғинч билан кутяпман. Бизни қизғин ва унутилмас мавсум кутяпти, деб умид қиламан".


Шоҳруҳ Гадоев: "АГМКда ўзимни янги жамоага келгандек эмас, балки аввал ҳам шу ерда бўлгандек ҳис қиляпман. Бу ерда нафақат кучли жамоа, балки аҳил оила сифатида яхши коллектив шаклланмоқда. Режа, вазифа ва мақсадлар катта. Бу йилги чемпионат ҳар тарафлама ўзгача бўлишини кутяпман. Биринчи турда биз соғинган мухлислар олқиши остидаги стадион ва ишқибозлар соғинган чиройли футбол ҳамда албатта жамоамиздан ғалабани кутяпман".


Александр Касьян: "АГМК юқори мақсадларни кўзлаган жамоа. Мен бу жамоани бежизга танлаганим йўқ. Ҳар бир футболчи фаолияти давомида катта ютуқларни қўлга киритишни хоҳлайди. Мен бу ишни АГМК билан бажаришни ният қилганман".


Элвин Фортес: "Янги мамлакат, янги жамоадаман. Илк таассуротларим жуда яхши. Қувноқ, аҳил ва бирдам жамоа йиғилган. Мен ўз ўйинларим орқали жамоага фойдам тегишини ва бу самарали бўлишини истайман. Ўйлайманки, АГМК жамоаси фаолиятимдаги катта бурилиш нуқтаси бўлади. Орзу ва ниятларим катта. Янги мавсумни ва илк ўйинни бошқача ҳаяжон билан кутяпман. Мавсум давомида эса мухлисларга кўплаб ғалабалар тақдим этишга уринамиз".


Рейтинг: +12   

Комментарии

championat.asia
< посмотреть последние новости
Яндекс.Метрика