Япония U-23 ҳақида нималар биламиз?

Биз рақибимиз ҳақида маълумотлар тақдим этишга қарор қилдик.

1. Япония бу йилги мусобақада U-23 эмас U-21 терма жамоаси билан қатнашмоқда.

2. Фақатгина Япония сафида бу мусобақада 1995 ва 1996 йилда туғилган футболчилар йўқ.

3. Япония гуруҳдаги 3та ўйинда жами 36та зарба берди, шундан 15таси аниқ чиқди.

4. Япониянинг тўпурари Ко Итакура ҳисобланади. У иккита гол урган.

5. Япония U-23 бош мураббийи Хажиме Мориясу 1992 йил терма жамоаси сафида футболчи сифатида Осиё Кубогида ғолиб бўлган.

6. Мориясу 2013 йилда "Санфречче Хиросима" бош мураббийи сифатида ОЧЛ гуруҳ босқичида "Бунёдкор"га ютқазиб қўйганди.

7. Япония ушбу мусобақадаги учта ўйинни ҳам Жиангйин шаҳрида ўтказди. Ўзбекистон билан чорак финал ҳам айнан мана шу шаҳарда бўлиб ўтади.

8. Япония футболчилари бу мусобақада фақат икки марта огоҳлантириш олишди.

9. Япония олдинги иккита U-23 Осиё чемпионатида иштирок этган. 2014 йилги мусобақада "самурайлар" якунда чемпион бўлган Ироққа чорак финалда ютқазишганди. 2016 йилги мусобақада эса Япония барча ўйинларда ғолиб бўлиб чемпион бўлганди.

10. Япония декабрь ойида Таиландда ўтган M-150 мусобақасида финалда Ўзбекистонга пенальтилар сериясида ютқазганди.