“Хотира-79” ПРО-лигадан четлатилади. Агар...

Деярли барча клубда моддий жиҳатдан инқироз юзага келган. Айрим жамоалар юзага келган қарздорлик бўйича ПФЛ томонидан жазоланди ҳам. Яқин орада яна бир жамоа чемпионатдан четлатиши мумкин.

Аниқроғи “Б” гуруҳи қатнашчиси “Хотира-79” жамоасининг ҳам ПФЛ олдидаги қарзлари кўпайиб кетган. Исми шарифини сир сақлаш шарти билан биз билан алоқага чиққан, клуб расмийсининг айтишича “Хотира-79” жамоасига Уйчи тумани хокимлиги томонидан ҳеч қандай эътибор қаратилмаяпти.

Жамоанинг ПФЛдан 40 миллион сўмга яқин қарзи бор. Раҳбарият ушбу қарздорликларни бартараф этиш учун ПФЛдан 20 августга қадар руҳсат олган. Катта эхтимол билан “Хотира-79” бугун ПФЛнинг ҳисоб-рақамига 40 миллион сўмни ўтказиб бера олмайди.

Жамоа эртага Бухоро вилоятида “Лабса” меҳмони бўлади. Сафар учрашувига боргани билан, эртага ўйин комиссари учрашувни ўтказишга рухсат бермасдан Уйчи жамоасига техник-мағлубият ёзадиган бўлса у холда ортиқча сарф-харажатга йўл қўйилган бўлади. Бу борада ҳозир “Хотира-79” раҳбариятининг боши қотган.

Кўрамиз, “Хотира-79” раҳбарияти ушбу қийин вазиятдан қандай чиқиб кетаркин? ПФЛчи? Ҳамма клубларни баробар кўрармикин?