"Водий футболи": Бугун кичик дерби

"Навбаҳор" ва "Нефтчи": Бугун кичик дерби

Бугун ёшлар лигасининг 18-турининг дастлабки ўйинлари бўлиб ўтади.

Наманганнинг "Навбаҳор" клуби бу турни ўз майдонида Фарғонанинг "Нефтчи" клубига қарши ўтказади. Айни пайтда ёш "лочинлар" 17 очко билан мусобақа жадвалининг 13-поғонасида боришмоқда. "Нефтчи" ёшлари ҳисобида 19 очко бор, жамоа 11-ўринда.

Эртага олий лига доирасида асосий таркиб ўртасида ўйин Намангандаги "Марказий" стадионда бўлиб ўтади.


"Андижон": "Олмалиқ"қа қарши ҳар иккала ўйин ҳам 17:00да бошланади

15 август куни олий лигада 18-тур учрашувларига старт берилади. Ушбу турда жамоамиз ўз майдонида “Олмалиқ” клубини қабул қилади.

Иккинчи давра баҳсларида “Андижон” жамоасининг уй учрашувлари “Соғлом авлод” стадионида соат 18:30 да бошланаётганди. Аммо 15 август куни “Олмалиқ” жамоасига қарши кечадиган ўйин соат 17:00 да бошланади. Шу боис 15 август куни барча футбол мухлисларини “Соғлом авлод” стадионига таклиф этамиз.

Бугун ушбу жамоаларнинг ўринбосарлари ўртасидаги учрашув Олтинкўл туманидаги марказий ўйингоҳда соат 17:00 да бошланади.


"Қўқон-1912": "Насаф" билан ўйин 17:00да бошланади

16 август куни Қўқондаги “Марказий” ўйингоҳда олий лиганинг 18-туридан ўрин олган “Қўқон-1912” – “Насаф” учрашув бўлиб ўтишидан хабарингиз бор.

Мазкур ўйин чипталари стадион кассаларида сотилмоқда. Чипталар икки хил тоифада бўлиб 5000 ва 10000 сўмдан сотилмоқда. Учрашув 16 август куни соат 17:00да бошланади.