"TransferUz": "Навбаҳор" ва "Пахтакор" "Насаф" етакчисига қизиқмоқда

Янги мавсумда ўз олдига жиддий вазифалар қўядиган "Навбаҳор" ва "Пахтакор" жамоалари аллақачон селекция ишларини бошлаб юборишган.

Хусусан "Навбаҳор" жамоасида кўплаб ўзгаришлар ва таркиб кескин кучайиши кутилмоқда. Айни пайтда жамоага келиши мумкин бўлган рўйхатда, яъни клубнинг трансфер шорт-листида кўплаб тажрибали футболчилар, иқтидорли ёшлар ва кучли ижрочилар ўрин олишган.

"Навбаҳор" жамоаси асли наманганлик бўлган "Насаф"нинг етакчи футболчиси Одилжон Ҳамробековга жиддий қизиқмоқда. Ўзбекистон терма жамоаси аъзоси ҳисобланмиш Ҳамробековга "Навбаҳор"дан ташқари "Пахтакор" жамоаси ҳам бефарқ эмас.

Ҳамробековнинг амалда "Насаф" билан тузган шартномаси мавжуд ва клуб раҳбарияти жиддий ва уларни қизиқтира оладиган таклифлар борасида ўйлаб кўришини билдирди.

Ёзги трансфер ойнаси пайтида ҳам "Насаф"нинг қатор футболчиларига таклифлар келиб тушган, аммо клуб уларни қўйиб юбормаганди. Аниқроғи, "Пахтакор"нинг Азиз Ғаниевни 3 миллиард эвазига сотиб олиш таклифига рад жавобини берган "Насаф" Ҳамробековнинг трансфер қийматини қанча баҳолашига ҳам кўп нарса боғлиқ.

Одилжон Ҳамробековнинг трансфер масаласи кўп эҳтимолдан Осиё Кубогидан сўнг маълум бўлиши мумкин. "Насаф" раҳбарияти Осиё Кубогига бориш имконияти кўп бўлган футболчисининг қитъа чемпионатидаги иштирокидан келиб чиқиб таклифларни ўрганиб чиқиши ҳақиқатга яқинроқ. Футболчи ҳам ўзининг кейинги фаолиятини айнан қитъа чемпионатидан кейин ўйлаб кўриши мумкин.

"TransferUz": Турғунбоев "Пахтакор"ни танлайдими ёки "Навбаҳор"да қоладими?

 «TransferUz»: «Пахтакор» Хитой чемпиони ва собиқ футболчиларини олиб келмоқчи