Расмий хабар: Достонбек Турсунов Римдаги “Вилла Стюарт" клиникасида жарроҳлик амалиётини ўтайди
16 ноя 2021 19:54
Новости

Расмий хабар: Достонбек Турсунов Римдаги “Вилла Стюарт" клиникасида жарроҳлик амалиётини ўтайди

Хабарингиз бор, Ўзбекистон миллий терма жамоасининг Грузияга қарши ўртоқлик учрашувига тайёргарлик жараёнида марказий ҳимоячи Достонбек Турсунов жароҳатини қайталаб олган эди.

"Текширувлар натижасида ушбу жароҳат жарроҳлик амалиёти талаб этилиши маълум бўлди.

ЎФА томонидан футболчимизнинг тезроқ соғайиб, сафга қўшилиши учун барча саъй-ҳаракатлар амалга оширилмоқда. Хусусан, Достонбек Турсуновни даволашга Италиянинг машҳур жарроҳларидан бири Паоло Мариани жалб этилди.

Футболчимиз 22 ноябрь куни Италия пойтахти Римга, “Вилла Стюарт” клиникасига йўл олади ва у ерда профессор Мариани томонидан операция қилинади", – дейилади ЎФА матбуот хизмати берган расмий хабарда.

Олдинроқ ҳимоячи 18 ноябрь куни Италияга учиб кетиши ва Италия пойтахтидаги "Вилла Стюарт" клиникасида операция қилиниши ҳақида сайтимизда хабар берилган эди.

Эслатиб ўтамиз, октябрь ойида айнан шу шифохонада терма жамоамизнинг бошқа бир вакили Фарруҳ Икромов ҳам операцияни бошдан ўтказган бўлса, Элдор Шомуродов "Женоа"дан "Рома"га ўтганида айнан "Вилла Стюарт"да тиббий кўрикдан ўтган.

Ссылка :

Источник : ЎФА матбуот хизмати

Получайте новости прямо в Telegram!

Рейтинг: +3