Расман: «Оқ-тепа» биринчи лигадан чиқариб юборилди

Ўзбекистон Профессионал Футбол Лигаси Ижроқўми қарорига кўра, "Оқтепа" клуби молиявий муаммолар, шунингдек, мусобақада иштирок этиш учун тўланиши лозим бўлган бадал пулларини белгиланган муддатда тўлай олмагани, тиббий кўрик ҳамда жарима санкциялари учун тўланиши лозим бўлган қарзларни тўлай олмагани туфайли Ўзбекистон Биринчилиги-2016 иштирокчилари рўйхатидан чиқарилди.

Мазкур қарор 2016 йилги мусобақа регламенти, Тартиб-интизом кодексининг 5-модда, 1-бўлим, 5.33 пунктига асосан қабул қилинган.

"Оқтепа" клуби 2016 йилги мусобақа регламентига асосан, ушбу мавсумда белгиланган ўйинларнинг ярмини ҳам ўтказмагани боис, унинг иштирокидаги мавсумдаги барча ўйин ҳисоблари бекор қилинди. Огоҳлантиришлар ҳамда четлатишлар ўз кучида қолди.