Расман: Анхель Лопес - "Сурхон" бош мураббийи!
02 мар 2022 12:34
Новости

Расман: Анхель Лопес - "Сурхон" бош мураббийи!

Бу мавсумда ўз олдига юксак мақсадларни қўйган "Сурхон" клуби испаниялик тажрибали мутахассис Анхель Лопес билан 1 йиллик келишувга эришди.

Анхель Лопес 1983 йил Испаниянинг Мадрид шаҳрида таваллуд топган.

2007-2013 йилларда “Хетафе” клубида ёрдамчи мураббий, 2013-2014 Руминиянинг “Петропул” жамоасида бош мураббий ёрдамчиси, 2014-2015 йиллари яна Ла Лигага қайтиб, “Хетафе”да ёрдамчи мураббий бўлган. 2015-2016 йилларда эса у Хитойнинг “Гуанчжоу Фули” клубида ишлади. Бир йилдан сўнг БААнинг “Ал Шабаб” клубида фаолият олиб борди. 2017-2018 йилларда Испаниянинг “Рекреативо” жамоасига бош мураббийлик қилган. 2018-2019 йиллар давомида Лопес Экваториал Гвинея терма жамоасини бошқарди. 2020 йилда эса Эквадор чемпионатида “Дельфин” клубига устозлик қилди. Ўша йил ярмида Греция Суперлигасида “Волос” жамоаси бош мураббийига айланди. “Сурхон”га келгунга қадар эса Грециянинг бошқа бир жамоаси – “Атромитос” клубини бошқариб келаётганди.

"Сурхон" жамоаси аҳил оиласига хуш келибсан Анхель!", - деб ёзади "Сурхон" клуби матбуот хизмати.

Ссылка :

Источник : championat.asia

Получайте новости прямо в Telegram!

Рейтинг: +17