Ража Наингголан: “Асосий мақсадим пул бўлганида, клубимни бир неча бор алмаштирган бўлардим”

“Мен ҳозир “Челси” ёки бошқа клубларда тўп тепаётган бўлишим ҳам мумкин эди Аммо 28-29 ёшда бошқа давлат, бошқа анъаналарга кўникиш... Бу мен учун эмас. Мен ўзимни бахтли деб ҳисоблайдиган жойда қолишни истайман.

Агар пулга бўлган қизиқишим юқори бўлганида мен бир неча бор клубимни ўзгартирган, маошим ҳам ҳозиргидан бир неча бор кўп бўларди. Менинг асосий мақсадим яхши хаёт кечириш.

Римда ҳаммаси мен учун идеал даражада. Оиламни хамма нарса қониқтирмоқда, ўзим клубимга боғланиб қолганман, мухлислар мени қўллаб-қувватлашмоқда.Мен майдонда боримни бераман, шу сабаб мени ҳурмат қилишади. Бу ҳолат футболчи учун жуда муҳим.

Антверпенда болалигим ўтган бўлсада, Италияда инсон сифатида шаклландим. Фаолиятимни якунласам, Римда қолишни мақсад қилганман”, дейди Наинггголан.