"Қўқон-1912": Анъанага айланиб бораётган мусобақа
27 дек 2016 10:41
Новости

"Қўқон-1912": Анъанага айланиб бораётган мусобақа

Теги : Қўқон-1912

Сўнгги йилларда жамоамиз ташббуси билан “Сиз “Қўқон-1912” жамоасида ўйнашни хоҳлайсизми?” деб номланган турнир ўтказилиб келинмоқда.

Бу йил ҳам ушбу анъана давом эттирилди. Кеча “Марказий” ўйингоҳда тўртта жамоа иштирокида ана шундай мусобақа ташкил этилди. Мусобақада асосан 1997-2000 йилларда туғилган маҳаллий ёш футболчилар иштирок этишди. Ушбу кичик турнирни жамоамиз раҳбарлари, бош мураббий Нўъмон Ҳасанов ва ўринбосарларимиз мураббийлари катта қизиқиш билан кузатиб боришди. Бу бежиз эмас албатта. Айнан мазкур мусобақада ўзининг иқтидорини намойиш эта олган ёшлар, ўринбосарларимизнинг бўлажак йиғинларига таклиф этилади.

Сўнгги йилларда “Қўқон-1912” жамоаси болалар футболига жиддий эътибор қаратмоқда. Айни дамда клубимиз қошида бир нечта футбол мактаблари фаолият олиб бормоқда.

Бунинг самараси улароқ, жамоамиз ҳар йили янги футболчиларни кашф этиши одатга айланган.

Уйлаймизки, ушбу ёқимли анъаналар янги мавсумда ҳам давом этади.

Қуйида кечаги мусобақага бағишланган фотосуратлар билан танишинг: