Погбанинг қайси клубга ўтмоқчи экани маълум бўлди

Манкунианликлар раҳбарияти футболчига янги шахсий шартнома шартларини таклиф қилишга шошилмаяпти ва франциялик футболчининг ўзи ҳам клубини ўзгартиришга қарши эмас, бу ҳақда унинг агенти Мино Райола таъкидлади.

Аввал хабар қилинганидек, Погба учун асосий давогар – ПСЖ. Манбанинг хабар беришича, ярим ҳимоячи ҳам Парижга кўчиб ўтишдан мамнун.

Шунингдек, футболчи "Юнайтед"нинг янги бош мураббийи Ральф Рангник тизимига қанчалик мос келиши ҳам ҳозирча номалум. Дастлабки маълумотларга кўра, Погба жароҳатдан қутулгач, беш ҳафтадан сўнг машғулотларга киришади.