Ўзбекистон - КХДР. Марказий сектор чипталари 25 000 сўмдан сотиляпти

Унга кўра, барча секторларнинг нархлари 15 000 сўм қилиб белгиланган. Аммо мухлислардан тезроқ ҳаракат қила оладиган чайқовчилар чипта чиққан кунни ўзидаёқ марказий секторларни ўзлаштирдилар ва ҳозирда 25-30 000 сўмдан касса олдидаги "чиптачилар" томонидан бемалол сотиляпти.

СИП деб аталувчи сектор нархлари эса 50 000 сўмдан ошган. Расмий кассаларда асосан дарвоза атрофи ва чекка секторлар учун чипталар ўз нархида сотиляпти.
Энг қизиғи шундаки, чипталар сотилмай қолса, олиб сотарлар уни расмий кассаларга қайтариб беришади ва сотиб олган суммаларини қайтиб олишади.
Ажаб эмаски, ушбу хабардан сўнг чипталарнинг нархи ўз жойига келиб қолса. Боиси айнан чайқовчиларни деб мухлислар кассалардан қуруқ қайтишга мажбур бўляптилар. Бундан муҳим ўйинда стадиондаги мухлислар ўн иккинчи рақам эканликларини исботлашлари учун эса чипталарни ўз нархларида сотишлари лозим бўлади.