"Оқ-тепа": “НБУ-Осиё”дан устун келдик"

Ёдингизда бўлса, “банкирлар” билан 25 январь куни ҳам ўйин бўлиб ўтган эди. Ўша баҳсда Жаъфар Ирисметов бошчилигидаги “НБУ-Осиё” жамоамиздан 1:3 ҳисобида устун келган эди. Бу сафарги тўқнашувда “Оқ-тепа” ғалаба нашидасини сурди.

Ҳисоб қизиқарли кечган беллашувнинг биринчи бўлимида очилди. "Оқ-тепа" футболчилари рақиб дарвозаси олдида жуда кўп имкониятларни юзага келтиришди. Аммо ҳужумларни якунлаш чоғида йўл қўйилган шошма-шошарлик ҳисоб бўлим охирида очилишига олиб келди. Бўлим якунланиши арафасида ҳужумчи Хуршид Йўлдошев Хуррамович ўнг қанотдан бошланган ҳужумни гол билан якунлади. Марказий ҳимоячиларнинг эътиборидан четда қолган Хуршид бўш қолган дарвозани осонлик билан ишғол қилди – 1:0.

Иккинчи бўлим биринчисига нисбатан бироз зерикарли кўриниш олди. Сабаби, иккала жамоа мураббийлар штаби ҳам таркибда бир қатор ўзгаришларни амалга оширди. Табиийки, бу ўйинга ўз таъсирини ўтказди. Шундай бўлса-да, якунда ғалаба биз томонда бўлди.

Айтиб ўтиш керак, таркибга дарвозабон Шоҳжаҳон Қиличев, ҳимоячи Аҳрол Рисқуллаев, ярим ҳимоячи Собир Усмонхўжаев келиб қўшилди. Бу футболчилар кўрикдан ўтмоқда.

Назорат учрашуви
“ОҚ-ТЕПА” – “НБУ-ОСИЁ” – 1:0 (1:0)
16 февраль. Тошкент. “Оқ-тепа” стадиони.
Бош ҳакам: Игорь Худойдотов.
“Оқ-тепа”: Шоҳжаҳон Қиличев, Фаррух Зикрияев, Нодир Саъдуллаев, Саид Топилов, Нодир Тешабоев, Хуршид Йўлдошев Набижонович, Зафар Қорақулов, Никита Павленко, Бобур Абдураҳмонов, Хуршид Йўлдошев Хуррамович, Маъруф Аҳмаджонов.
Захирадан тушганлар: Виктор Мочалов, Илҳом Жуманов, Абдумавлон Турсунов, Зокир Мирзааҳмедов, Бунёд Қорабоев, Собир Усмонхўжаев, Фаррух Сайдалиев, Мурод Ахатов.
Гол: Хуршид Йўлдошев Хуррамович, 44 – 1:0.