ОЧЛ. Жасур Абдураимов: "Футболчилар характер кўрсата олишди"

Қўлга киритилган уч очкода барчанинг ҳиссаси катта бўлди. Хусусан, мураббийлар штаби ҳам футболчиларни мазкур беллашувга муносиб тайёрлашгани сезилди. Шу сабабдан учрашувдан сўнг Шота Арвеладзега яқиндан кўмаклашиб келаётган мураббий Жасур Абдураимовнинг фикрлари билан қизиқдик.

"Биринчи тур доим қийин бўлган. Рақибимиз яхши ва кучли жамоа эди. Муҳими, футболчилар ноқулай об-ҳаво шароитида чиройли ўйин кўрсатишди, характер намойиш этишди. Гол ўтказиб юбордик. Тезда голга жавоб қайтаришга эришдик. Энг асосийси уч очкони ўзимизники қилдик. Ғалаба билан бутун ўзбек халқини, яна кўплаб мухлисларни табриклайман. Ҳисоб 1:0 вақтида натижани ўйладик? Бу футболчиларнинг руҳияти билан боғлиқ. Рақиб бежиз ўз чемпионатида биринчи ўринда кетмаяпти", - деди Абдураимов.

Абдулазиз Искандаров ёзиб олди