Нўъмон Ҳасанов: "Аслида Холмуҳаммедов дарвозага зарба бермоқчи эмасди"

"Ўйин битта голгача эди. Икки жамоа дурангга лойиқ эди. Иккита мағлубиятдан футболчиларим хулоса чиқариб яхши ўйин кўрсатди деб ўйлайман. Узоқ йўл босиб Навоийга келган мухлисларга раҳмат дейман.

Олмалиқдаги ўйиндан кейин исталган мураббий истеъфо сўрарди. Аммо раҳбарият мени жамоада қолдиришга қарор қилди. Мен доим тайёрман, агар кучли мураббий олиб келиб Қўқонни кучли жамоа қилса тайёрман. Қўқон футболи қанчалик кўтарилса хурсанд бўламан.

Бугун дарвозабонимиз Ислом Абдуллаев Суперлигада дебют қилди. У яхши ўйнади деб ўйлайман. Биринчи таймда жамоамизни муқаррар голдан сақлаб қолди.

Мурод Холмуҳаммедов жарима тўпи тепишдан олдин шерикларига оширмоқчи эди. Мен эса дарвозага тепишини айтдим. Гол ургани учун менга қараб югурди", - дейди Нўъмон Ҳасанов.