“Нефтчи”: Бугундан иккинчи йиғин бошланади

Аввал хабар берганимиздек, жамоанинг навбатдаги йиғини Тошкентда кечади. Режага кўра бугун футболчилар “Футбол-МЕД”да тиббий кўрикдан ўтказилади. Кечки пайт эса Чирчиқ шаҳрида “Металлург” билан синов-назорат баҳсида майдонга чиқади.

Эртадан эса машғулотлар яна пойтахтда давом эттирилади.

Айтиш лозимки, ушбу йиғин чоғида бир нечта футболчилар таркибга келиб қўшилиши кутилмоқда. Улардан бири Акмал Холматовдир. Тажрибали футболчи бир неча йиллик танаффусдан сўнг яна ўзининг қадрдон клубида ўйнашга яқин турибди.

Шунингдек бугунги кунда раҳбарият бир нечта футболчилар билан музокара ўтказмоқда. Агарда томонлар ўзаро келишувга эришилса, уларнинг номлари ошкор этилади.

Мурод Исмоилов бошчидигидаги “Нефтчи” Тошкент йиғини жараёнида яна бир қатор синов-назорат ўйинларида иштирок этишни ўз режасига киритган.