"Навбаҳор" Коста-Рика, Гондурас ва россиялик футболчига қизиқиб қолди

- Ҳозирча уч нафар легионерга таклиф юборганмиз. Коста-Рикадан Вильям Фернандес Гонсалес, Гондурасдан Кариас Алварадо ва "Анжи" клубидан Сангаджиевга қизиқиш билдирганмиз. Насиб қилса 26 июль куни "Сўғдиёна"га қарши баҳсда улар ҳам иштирок этишади. Булардан ташқари "Олмалиқ" вакили Руслан Вагаповни ҳам "Навбаҳор"га таклиф этдик. Бунгача "Андижон"дан Абдумалик Абдуллаев ва Ислом Исоқжонов жамоамизга қўшилишган. Дарвоқе "Олмалиқ" ҳимоячиси Саидкомил Акбаровга ҳам таклиф билан мурожаат қилганмиз ва ҳозир музокаралар давом этаяпти, - дейди "Навбаҳор" клуби вице-президенти Даврон Каримов "Футбол Экспресс" газетасига берган интервьюсида