Моуриньо "Рома" ва "Зенит"га қарши ўйинлардаги ўхшаш вазиятларнинг иккисида ҳам "Юве" фойдасига қарор чиқарилганини танқид қилди

"Рома" бош мураббийи Жозе Моуринью кеча ўтказилган "Ювентус" - "Зенит" (4:2) ўйинидаги пенальтига тўхталди. 11 метрли нуқтага яқинлашган Пауло Дибала дастлаб ушбу имкониятдан унумли фойдалана олмайди. Аммо, хуштакдан аввал жарима майдончасига кириб кетган футболчилар сабаб, ҳакам пенальтини қайтадан қўяди. Табиийки, бу сафар Дибала пенальтини аниқ амалга оширади. 

Мураббий эса, яқинда ўтказилган "Рома - "Ювентус" ўйинида ҳам деярли ҳудди шунга ўхшаш вазият бўлганини эсга олди. Ўшанда ҳам бир неча футболчи пенальти тепилишидан аввал жарима майдончаси ичига кириб кетганди. Аммо, ҳакам гол ура олмаган "Рома"га қайтадан зарба бериш имконини бермаганди.

Моуринью ўз "инстаграм" саҳифасига ушбу суратни жойлаб, "Бир сафар қайта тепишга имкон беришди, бошқасида эса йўқ. Топингчи қайси бирида?", -деб ёзади.