MLS. Нани ва Ибрадан голлар шодаси ёхуд 37-тур натижалари
18 сен 2019 20:42
Новости
![](https://championat.asia/upload/storage/518909_original.jpg)
![](/upload/storage/518909_220.jpg)
MLS. Нани ва Ибрадан голлар шодаси ёхуд 37-тур натижалари
Пешқадам яна ғолиб
Ғарб минтақасида етакчиликни ўз қўлига олган "Нью-Йорк Сити" ўз уйида "Сан-Хосе"ни қийинчилик билан мағлубиятга учратди ва 1-ўринни мустаҳкамлади. Сан-Хоселиклар бўлса, бир поғонага пастлашди. Ўйинга келадиган бўлсак, меҳмонларнинг ажойиб ҳужумини Вондоловски гол билан якунлади. Бироқ, нью-йоркликлар қандайдир 3 дақиқа ичида иккита тўп киритишди. Бу ерда, Паркс ва Митрицелар ўзларини кўрсатишди.
Чикаголиклардан жимжимадор ғалаба
Ўз номига ярашмайдиган ўринларда юрган "Швайни"нинг жамоаси кутилмаганда "Даллас"ни йирик ҳисобда енгди. Си Жей Сапонг "дубль"ни расмийлаштириб қўйди, Франковски ва Николичлар эса биттадан гол уришди. Якуний ҳисоб - 4:0.
Чикаго Файр Чарльз Сапонг - 7', Пшемыслав Франковский - 16', Чарльз Сапонг - 29', Неманья Николич - 39' |
Major League Soccer . Тур 1 15/09/2019, 00:55 0
:
4
Завершен
|
Даллас |
Стадион: Toyota Park
Яна бир "сенсация"
Мусобақа жадвалига мутлақо таьсир кўрсатмаган ўйинда кутилмаган натижа қайд этилди. Коламбус "экипажчилари" "Атланта" майдонига сафар қилиб, кумуш медалларга даьвогарлик қилаётган жамоани ишончли ҳисобда мағлубиятга учратди. Аввалига яна ўша Хосеф Мартинес гол урди. Лекин кейинчалик, воқеалар ривожи мезбонлар учун аянчли тус олди. Зардес ва Диасларнинг киритган тўплари орқали "Коламбус Крю" олдинга чиқди. Бу етмаганидек, марказий ҳимоячи Майлз Робинсон автогол муаллифига айланди ва Атланта шаҳри жамоаси 2-ўринга чиқиб олиш имкониятини чипакка чиқарди.
Етакчилар баҳсида муроса
Шарқ ва ғарб минтақаларида юқори ўринларни эгаллаб турган жамоалар ўзаро тўқнаш келишди. Учрашувда томонлар дурангга рози бўлишди. Пржибилконинг 3-дақиқада урган голига меҳмонлардан Карлос Вела муносиб жавоб қайтарди. Ушбу ўйиндан сўнг, иккала жамоа ҳам мусобақа жадвалидаги ўринларини сақлаб қолишди.
Рақобатчилар беллашувида ҳам сулҳ тузилди
"Орландо Сити" ўз майдонида яқин таьқибчиси "Нью-Инглэнд"ни меҳмон қилди. Дастлаб, Акинделе ўз дарвозасини ишғол қилиб қўйди. Кўп ўтмай, машҳур Нани ҳисобни тенглаштирди. Бироқ, Пенилья ва Боуларнинг голлари эвазига меҳмонлар яна олдинга ўтиб олишди. Иккинчи бўлим бошланиши билан Дуайер фарқни қисқартирди. Бироздан сўнг, яна ўша Нани ўз сўзини айтди ва жамоасини мағлубиятдан қутқариб қолди.
Орландо Сити Нани - 22', Доминик Двайер - 47', Нани - 54' |
Major League Soccer . Тур 1 15/09/2019, 04:40 3
:
3
Завершен
|
Нью-Ингленд Революшн Тешо Акинделе - 15', Cristian Penilla - 35', Густаво Боу - 41' |
Стадион: Exploria Stadium
Аутсайдернинг узоқ кутилган ғалабаси
Ва ниҳоят, анчадан бери сўнгги ўринни ҳеч кимга бермай келаётган "Цинциннати" нақ 10 та ўйинга чўзилган ғалабасиз сериясига нуқта қўйди. Ҳужум чизиғида Боян Кркичдек футболчига эга "Монреаль" клуби гўёки омадсизликлар гирдобига тушиб қолган. Жамоа қаторасига учинчи маротаба мағлубият аламини тотиб кўрди.
Қуйидагилар ўртасидаги учрашув
Шарқий зонада сўнгги икки поғонани банд этиб турган "Хьюстон Динамо" ва "Ванкувер" жамоалари ўзаро муросасиз баҳс олиб боришди. Ўйиндаги барча голлар иккинчи бўлимда урилди. Олдинига, мезбонларнинг кореялик легионери Ин-Бом Хванг юзага келган пенальтини аниқ амалга оширди. Лекин бу ҳали ҳаммаси эмас эди. Ўйин оҳирида Манотас ва Монтеролар биттадан тўп киритиб, жамоасига муҳим 3 очкони тақдим этишди.
Руни жамоасида муваффақият
Иккала минтақада ҳам ўртамиёналар орасида юрган жамоалар учрашувида "Ди Си Юнайтед"нинг қўли баланд келди. Ўйинни натижасини ҳал қилиб берган ҳодиса 25-дақиқада рўй берди. Бу вазиятда, "Портленд Тимберс" мудофаа чизиғи вакили Туилома тўпни беҳосдан ўз жамоаси дарвозасига киритиб қўйди.
Портленд Тимберс |
Major League Soccer . Тур 1 16/09/2019, 00:40 1
:
0
Завершен
|
Ди Си Юнайтед Билл Пони Туйлома - 25' |
Стадион: Providence Park
Голларга бой ўтган ўйин
Ғарбда юқори ўринларга даьвогар клублардан бири "Торонто" ўз уйида шарқий минтақа қуйи поғона вакили "Колорадо"ни қабул қилиб, қийинчилик билан 3 очкони қўлга киритди. Япония футболи келажаги Цубаса Эндо ҳисобни очувчи голга муаллифлик қилди. Кейинчалик, Посуэлонинг пенальтидан ва Розенберри томонидан киритилган тўплар деярли ғалабани нақд қилди. Ўйиннинг иккинчи ярмида Николсон ҳамда Осариоларнинг голлари орқали меҳмонларда умид учқунлари пайдо бўлганди. Аммо, колорадоликларнинг бундан ортиғига кучлари етмади.
Ажойиб қарама-қаршилик
Мусобақа жадвалида ёнма-ён жойлашган икки жамоа ўртасидаги баҳсда "Миннесота" ғалаба қозониб, рақиби "Реал Солт-Лейк" билан ўрин алмашди. Шу куни, мезбонларнинг тажрибали кипери Вито Манноне ишончли ҳаракат қилди. Тўғри дастлаб, айнан унинг дарвозаси Руснак томонидан ишғол қилинди. Ўйиннинг қолган қисмида, Кинтеро "дубль" қайд этди ва Финлэй 83-дақиқада тўп киритиб якуний ҳисобни ўрнатди - 3:1.
Нью-Йорк "буқалари"ни ер тишлатишди
"Сиетл Саундерс" жамоаси ўз уйида "Нью-Йорк Ред Буллз"ни меҳмон қилди ва 4:2 ҳисобида мағлубиятга учратди. Шундай қилиб, клуб бу ғалабадан сўнг 2-ўринга кўтарилиб олди. Нью-Йоркликларнинг эса турнир жадвалидаги ҳолатлари ўзгармай қолди. Моррисдан чиройли гол, Девиснинг автоголи ва Лодейронинг "дубль"и муваффақиятни таьминлади. Меҳмонлардан Аарон Лонг ва Гамарралар биттадан тўп киритишди.
Бетакрор Златандан "хет-трик"
"Ла Гэлакси" ўзига кела бошлади. Бу турда улар "Спортинг Канзас-Сити"ни ўз муҳлислари кўз ўнгида янчиб ташлашди. Ўйинда ҳали ҳамон ўзининг юқори спорт формасини намойиш этаётган "қаримас" Ибрагимович учта гол урди. Шунингдек, Себастьен Лледжет "дубль" қайд этди ва Корона билан Антуна биттадан тўп киритишди. Ушбу голларга меҳмонлардан Гутьеррес иккита голи билан жавоб қайтарди. Ҳисоб эса Канзас шаҳри жамоаси учун шармандали кўринишга келтирилди - 7:2. "Ла Гэлакси" ушбу муваффақиятдан кейин 5-ўрингача кўтарилган бўлса, "Спортинг Канзас-Сити" мағлубиятга қарамай эгаллаб турган ўрнини сақлаб қолди.
Лос-Анджелес Гэлакси Златан Ибрагимович - 32', Джо Корона - 48', Златан Ибрагимович - 51', Уриэль Антуна - 69', Себастьян Ллетджет - 77', Себастьян Ллетджет - 79', Златан Ибрагимович - 85' |
Major League Soccer . Тур 1 16/09/2019, 07:20 2
:
7
Завершен
|
Спортинг Канзас-Сити Фелипе Гутьеррес - 24', Фелипе Гутьеррес - 86' |
Стадион: Dignity Health Sports Park
Ушбу турнинг рамзий терма жамоаси
Хондамир Ҳакимов тайёрлади
Похожие новости
![AMP Logo](https://championat.asia/image/logo-amp.png)
Комментарии