Мэйсон Гринвуддан барча айбловлар олиб ташланди. Футболчи зўрлаш ва тан жароҳатлари етказишда айбланганди

Эслатиб ўтамиз, 2022 йилнинг январь ойида Мэйсон Гринвуд ўзининг қиз дўсти Харриет Робсоннинг айбловларидан сўнг қамоққа олинганди. Жабрланувчи қиз Гринвудга зўрлаш ва унинг жонига тажоввуз қилиш айбини қўйганди ва ушбу ҳолатга алоқадор суратлар ва аудиоёзувларни интернетга чиқарганди.  Шундан сўнг "Юнайтед" Гринвудни жамоа машғулотлари ва ўйинлардан четлатганди. 2022 йилнинг 2 февраль куни футболчи гаров эвазига озодликка чиқарилганди. Октябрь ойида эса жабрланувчи қиз билан алоқа қилгани учун яна қамоққа қайтарилганди. 

Бугун эса Катта Манчестер полицияси Гринвудга қўйилган айбловларни олиб ташлади. 

"2022 йилнинг январь ойида очилган жиноят иши тўхтатилади. Ушбу воқеани ОАВ кенг ёритганлиги сабабли, биз ушбу маълумотни эълон қилишни маъқул топдик", -дейилади полиция баёнотида.