Марат Жумакеев: "Қизил карточка йигитларга таъсир қилмади"

"Турнирнинг биринчи ўйини руҳий томондан ҳам футболчилар учун жуда муҳим эди. Бундай об-ҳавода футбол ўйнаш жуда қулай бўлди. Йигитларим яхши ўйин кўрсата олишди. Ҳимоядан ҳужумга ўтишда ишончли ҳаракат қилишди. Биринчи бўлимда биз йўл қўйган хатоларимиз эвазига иккита гол қўйиб юбордик. Бу ёшдагилар кўп хатоларга йўл қўйишади. Қизил карточка ҳам йигитларга таъсир қилмади. Шогирдларим характер кўрсата олишди.

Дуранг ўйнадик, Тожикистон термаси билан дуранг ёмон эмас. Қарши ҳужумларда, ундан ташқари яратилган вазиятлардан фойдаланмаганимиз учун дурангни эмас, ғолибликни қўлга киритишимиз ҳам мумкин эди. Рақиблар ҳам вазиятларни кўкка совурганини ҳисобга олсак, барчаси жойида.

Тожикистон термаси ҳам анчагина яхши. Кучли ўйнашмоқда, фақатгина олдинга ҳаракат қилишмоқда. Иккинчи ва учинчи зонада ўйинни назорат қилишмоқда, иложи борича кўпроқ зарбалар беришга интилишар экан. Тожикистон термасида яхши футболчилар йиғилган, уларда кучли терма бор", - деди Жумакеев.