Маъмур Саидқосимов "Бухоро" - "Пахтакор" учрашувидаги ҳакамлар ҳақида гапирди

"Бухоро" - "Пахтакор" учрашувида қўлланилган жазо бекорга берилмаган. Сабаби стадионга келган мухлислар ўзларини ўта маданиятсиз тарзда тутишган. Ўтган йил "Бухоро" - "Пахтакор" ўртасида учрашувида ҳам бухоролик мухлислар маданиятсизлик намойиш этишганди. Ҳозир стадионларда оилавий секторлар ташкил этилган. Тасаввур қилинг, ушбу оилавий секторга мухлислар ўз аёли ёки фарзандари билан келади. Улар мана шундай ҳақоратларни эшитса бу тўғрими? Ўша пайтда Бухоро ҳисобда олдинда бораётганди, лекин мухлислар ҳакамни ҳақоратлаш билан овора. 

Ўша ўйинда ҳакамлик борасида айтсак ҳеч қандай ноҳақлик бўлмади. Ёрдамчи ҳакам вазиятни кўриб якунда тўғри қарор қабул қилишди. Лекин кўп мухлисларимиз шу пайтда тўғри қарор қабул қилинмаяпти деб ўйлаяпти. Жаҳон чемпионати, ЕЧЛ, Англия ёки Испания чемпионатларида ҳам ҳакамлар хато қилишади. Ҳакамларни секин-аста тарбиялаб бораяпмиз", - дейди ЎФФ Ҳакамлар ва назоратчилар бошқармаси бошлиғи Маъмур Саидқосимов.