Мадрид дербисидан аввал "Атлетико" "Реал"дан 2 кун кам дам олади. Бу Симеоне жамоасига ёқмаяпти

Диего Симеоне жамоаси ЛаЛиганинг 8-турида бўладиган дерби олдидан "Реал"дан 2 кун кам дам олади:

"Қаймоқранглилар" "Алавес" билан 24 сентябрда ўйнаса, "матрасчилар" 26 сентябрда "Сельта" билан учрашишади. "Атлетико" - "Реал" баҳси 29 сентябрда ўтказилади.

Маълумотларга кўра, "Атлетико" раҳбарлари ЛаЛига тақвими мантиғига тушинишмаяпти.

Бундан ташқари, улар ЛаЛигадагилар нега ўз жамоаси учун қайғурмаётганидан, ўзининг маҳсулоти учун жон куйдирмаётганидан ҳайрон. "Атлетико"дагиларнинг фикрича, бундай тақвим мухлисларни камайтиради.