"Локомотив" ҳужумчиси Сербия клубига ўтди
22 июл 2019 13:37
Новости

"Локомотив" ҳужумчиси Сербия клубига ўтди

Тошкентнинг "Локомотив" клуби ҳужумчиси Филип Райевац жамоани тарк этганидан хабарингиз бор.

Куни кеча футболчи Сербиянинг "ФК Инджия" клуби билан шартнома тузди. "ФК Инджия" бу мавсум Сербия Суперлигасига чиқди.

Йил бошида "Локомотив"га қўшилган Райевац бу мавсум Суперлигада 9та ўйинда майдонга тушди ва умуман гол ура олмаганди. Осиё чемпионлар лигасида 4та учрашувда иштирок этди ва битта гол уришга эришди.

Эслатиб ўтамиз, Райевац 2017 йил "Қўқон-1912" сафида 28та ўйинда 7та, 2018 йил "Бунёдкор" таркибида 27та учрашувда 7та тўп киритган эди.