Локателли "Ювентус"да ўйнашни истамоқда. Футболчига "Арсенал" ва "Боруссия"дан ҳам қизиқиш мавжуд
01 июл 2021 16:28
Новости

Локателли "Ювентус"да ўйнашни истамоқда. Футболчига "Арсенал" ва "Боруссия"дан ҳам қизиқиш мавжуд

"Ювентус" клуби "Сассуоло" ярим ҳимоячиси Мануэль Локателли билан шахсий шартнома масалалари бўйича келишувга эришди.

Турин клуби футболчига йиллик маоши 3 миллион евро бўлган 5 йиллик шартнома таклиф қилган. Журналист Николо Скиранинг ёзишича, бу келишув Локателлини қониқтиради.

Футболчи учун курашда "Кекса синьора" етакчиликни сақлаб турибди. Аммо Лондоннинг "Арсенал" ҳамда Дортмунднинг "Боруссия" жамоалари ҳам италиялик ҳавбек учун 35 миллион евро тўлашга рози.

Ўтган мавсумда Локателли 34 учрашувда майдонга тушиб, 4 гол ва 3 ассистни ўз ҳисобига ёздириб қўйди. Унинг "Сассуоло" билан тузган шартномаси 2023 йил июнь ойигача мўлжалланган.

Ссылка :

Источник : twitter.com/NicoSchira

Получайте новости прямо в Telegram!

Рейтинг: +2