"Ливерпуль" Нуньес учун 70 миллион евро сўрамоқда. Ҳужумчига Испаниядан таклиф бор

"Ливерпул" Дарвин Нуньес учун 70 миллион евро талаб қилмоқда. Аввалроқ, ҳужумчининг ёзги трансфер ойнасида клубни тарк этиши маълум бўлган эди.

Қишда мерсисайдликлар уругвайлик футболчини "Ал Насср"га 70 миллион еврога сотишдан бош тортган эди. Журналист Бен Жейкобснинг ёзишича, инглизлар Нуньеснинг трансфер қийматини баҳолашда айнан шу таклифдан келиб чиқишмоқда. Яна бир мезон - Дарвиннинг асосий таркибдаги ўйинчиси сифатидаги кўрсаткичлари: ҳужумчи дастлабки дақиқалардан майдонга тушганида 49 ўйинда 25 гол урган ва 13 та голли узатма берган.

Футболчининг ўзи Саудия Арабистонига ўтиш имкониятини рад этмаяпти, бироқ Испания ёки Италия жамоасига қўшилишни афзал кўрмоқда. Унга ҳозирги пайтда "Атлетико" қизиқиш билдирмоқда.

Шунингдек, "Ал Ҳилол" ҳам трансфер имконияти ҳақида сўров юборган - аммо бу кўпроқ клубнинг жаҳон клублар чемпионатида иштирок этиши мумкин бўлган ҳужумчини қидираётгани билан боғлиқ. Ушбу мусобақа олдидан битимлар учун махсус ташкил этилган ўн кунлик трансфер ойнаси аллақачон ёпилган.

Нунес ўтган мавсумда АПЛда 30 та ўйин ўтказиб, 5 та гол урган.