Криштиану нима сабабдан Жотанинг дафн маросимига бормаганини айтди

3 июль куни "Ливерпуль" форварди Диогу Жота акаси Андре Силва билан биргаликда Испаниядаги автоҳалокатда вафот этганди.

"Икки ҳолат бор. Бу борада одамлар мени кўп танқид қилди, лекин бу мени ташвишга солмади. Қачонки ўзингга ишончинг комил бўлса, бошқаларнинг танқидига қарамас экансан.

Бу мен қилмайдиган ишлардан бири. Отамнинг ўлимидан кейин мен қабристонга бормаганман, боришни истамайман.

Ундан ташқари, қаерга борсам цирк бошланади. Қаерда бўлсам, камералар менга қаратилади. Бундай пайтда менга бу каби эътибор керак эмас.

Бу танқид эмас, шунчаки кўрганим ва ёқмаганини гапиряпман. Бундай ноқулай пайтда нима ҳақида интервью бераман, футбол ҳақидами ёки у ҳақидами? Қўйсангизчи. Бу шоунинг бир қисми бўлишни истамайман. Агарда Сизлар истасангиз, марҳамат.

Одамлар мени танқид қилишлари мумкин, лекин мен ўзим учун ҳақман. У ерга бориб, одамлар: "Ана Криштиану келибди" деб, камерасини ёқишлари учун биринчи қаторда бўлишни истамайман. Мен унинг оиласи учун керакли бўлган қарорни қабул қилдим", - деди футболчи.