“Лион” ЕЧЛнинг битта ўйинини мухлисларсиз бўш стадионда ўтказади
26 авг 2018 07:45
Новости

“Лион” ЕЧЛнинг битта ўйинини мухлисларсиз бўш стадионда ўтказади

Франциянинг “Лион” клуби Европа Чемпионлар лигасининг дастлабки уй учрашувини мухлисларсиз бўш стадионда ўтказишга маҳкум этилди.

Лионликларнинг мухлислари ўтган мавсум Европа Лигасининг 1/8 финалидан ўрин олган Москванинг ЦСКА жамоасига қарши кечган (2:3) учрашув чоғида стадион трибуналарида тартибсизликларга юзага келтиришганди.

Ўшанда “Лион” мухлислари стадионга турли буюм ва жисмларни улоқтиришган, трибунада номақбул ҳаракатлари билан тартибни сақлай олишмаган эди. УЕФА тартиб-интизом қўмитаси бу ҳолатни изчил ўрганиб чиқиб, француз клубига юқоридаги жазони қўллади.

Маълумот учун, “Лион” ўтган мавсум Франция чемпионатида 3-ўринни эгаллади ва бу билан ЕЧЛнинг гуруҳ босқичида иштирок этиш ҳуқуқини қўлга киритди.