ЛегионерУз. 35 ёшли Сервер Жепаров Эрон чемпионатида мавсумдаги тўртинчи голини урди
26 янв 2018 09:33
Новости
![](https://championat.asia/upload/storage/302221_original.jpg)
![](/upload/storage/302221_220.jpg)
ЛегионерУз. 35 ёшли Сервер Жепаров Эрон чемпионатида мавсумдаги тўртинчи голини урди
Ла Лигада Ариц Адуриц, АПЛда Жермейн Дефо каби футболчиларда кузатилгани каби, Жепаров ҳам ўз клубида жамоадошлари билан бемалол рақобатлаша олади.
Кеча “Истиқлол” Эрон чемпионатининг 21-турида “Парс Жануби Жам” клубини қабул қилиб, рақиби постига жавобсиз 4 та гол урди. Гол уришни Жепаров почин қилиб берди. 6-дақиқада ўзбекистонлик футболчининг пенальтидан берган зарбаси аниқ чиқди.
Эстеглал Тегеран Сервер Дьепаров - 6', Behnam Barzayi - 32', Али Горбани - 48', Али Горбани - 66' |
Про Лига - Персидский залив . Тур 21 25/01/2018, 16:00 0
:
4
Завершен
|
Парс Джануби Джем |
Бироқ Сервер 38-дақиқага келибоқ алмаштирилган. Бу вақтда ҳисоб теҳронликлар фойдасига 2:0 бўлиб турганди. Бунда Жепаров жароҳат олганмиди ёки бунинг бошқа бир сабаби борми, бироз кейинроқ ойдинлик киритамиз.
Бунгача “Парс Жануби Жам” турнир жадвалида 2-ўринни эгаллаб тургани инобатга олинса, “Истиқлол”нинг ғалабаси анча салмоқли эканини кўриш мумкин. Томонларнинг 1-давра ўйинида “Истиқлол” 0:2 ҳисобида мағлуб бўлган, Жепаров эса 90 дақиқа тўлиқ ҳаракат қилганди. Ўша вақтда жамоани эронлик Алиризо Мансуриён бошқарарди.
“Истиқлол” чемпионатнинг кетма-кет 11 та ўйинида мағлуб бўлмади: 6 та ғалаба ва 5 та дуранг. Бу германиялик Винфрид Шефернинг ташрифидан кейин кузатилди. Бунгача “Боруссия М”, “Штутгарт” каби клубларга бошқарган Шефер, ўз вақтида Камерун, Таиланд ва Ямайка термаларига, шунингдек, Амирликларнинг “Ал-Аҳли”, “Ал-Айн”, Озабайжоннинг “Боку” клубларига устозлик қилганди. Шефер Сервер Жепаровни захирага лойиқ кўрмади ва унга асосий таркибда ишонч билдирди.
Championat.asia статистикаси
Сервер ишончни қанчалик оқлаётганини қуйидаги статистика ҳам кўрсатиб турибди. 4 та гол ва 2 та голли узатма. Дақиқалардан кўриниб турибдики, “Истиқлол”да Сервердан максимал тарзда фойдаланишмоқда.
“Истиқлол” ўзининг навбатдаги ўйинини 30 январь куни “Санат Нафт” клубига қарши ўтказади. Шундан кейингина Жепаров ва жамоадошлари Осиё Чемпионлар Лигасининг гуруҳ босқичи ҳақида ўйлайди.
![AMP Logo](https://championat.asia/image/logo-amp.png)
Комментарии