Кьеллини: "Қийин даврни бошдан кечирмоқдамиз"

Жоржо Кьеллини Финалиссима Кубоги учун ўйинда Аргентинага мағлуб бўлгач (0:3), Италия жамоаси авлодлар алмашинуви даврини бошдан кечираётганини айтди. Бундан келиб чиққан ҳолда, келажакда осон бўлмайди.

"Қийин бўлишини билардик. Албатта, биз соврин ютишдан умидвор эдик, аммо бу ўтмишдаги ютуғимизни бекор қилмайди.

Айтганимдек, биз қийин даврни бошдан кечирмоқдамиз, авлодлар алмашмоқда. Умид қиламанки, бутун мамлакат жамоамизни қўллаб-қувватлайди, бу жуда зарур", – деди 37 ёшли ҳимоячи.