Ҳар доим ўзини шер билган Златаннинг "Манчестер Юнайтед"даги фаолияти ҳақида ажойиб ҳикоя

Ибра учун бундай савиясиз якун бўлмаслиги керак эди. Бироқ у Европани мисли шер каби тарк этди. 

Кеча "МанчестерЮнайтед" Златан билан тузилган шартнома расман бекор қилинганлигини эълон қилди. Бу кўпчилик футбол мухлислари учун қандайдир сюрприз хабардек туюлди. Албатта, ноябрь ойида жиддий жароҳат олиб, футбол ўйнашига жиддий қаршилик қилаётган футболчи ўз олдига юқори мақсадларни қўйган топ-жамоага керак эмасди. 

Унинг "Юнайтед"даги фаолияти юқори даражада бошланганди. У ўша пайтларни энг бахтли онлар деб айтганди. Златан жамоанинг асосий ҳужумчиси эди, рақиб ҳимоячиларига ҳар томонлама босим ўтказарди. У дебютидаёқ гол урди ва жамоасининг Англия Суперкубогидаги ғалабасига катта ҳисса қўшди. Орадан бир ҳафта ўтиб, Англия Премьер-лигасидаги илк баҳсида ҳам рақиб дарвозасини ишғол этди. Бу фақатгина бошланиши бўлганди. 

У "ОлдТраффорд"дагиилкмавсумида 28 голкиритди, шунингдек, "Саутгемптон"гақаршибаҳсдаҳамдубльқайдэтиб, Англия лига кубоги ғолиблигига эришди. Жамоа мухлислари унинг исмини баралла бақиришдан чарчашмасди. "Манчестер Юнайтед" яхши ўйнай олмаётган вақтида ҳам Златаннинг бир ўзи жамоани олдинга бошларди. Ўйинларига қарасангиз уни 35 ёшга кирган футболчига ўхшатиб бўлмасди, "Юнайтед"нинг ҳар бир учрашувида натижага таъсир этарди. Бироқ, биргина жароҳат унинг ўйин сифатига катта таъсир ўтказди. 

У Европа лигаси чорак финали доирасида "Андерлехт"га қарши учрашувда тиззасидан жиддий жароҳатланди. Унинг тикланиши учун кўп вақт керак бўлди, 7 ойдан кейин яна сафга қайтди. Бироқ ҳар доимгидек у ўзини шер деб билар, худди ёшгина Златанга ўхшарди. 

Ибрагимович сўнгги 13 мавсумнинг 12та совринга эга чиқди. Голландия, Испания, Италия ва Францияда унинг ўйинларига тан беришди, 6 жамоада тўп сурди. Албатта, 12 соврин унга ғолиблик руҳини сингдирди. Бу эса уни яна катта футболга қайтишига замин яратди. 

Сўнгги 10 йилда у ҳар бир мавсумда 20тадан кўпроқ гол урди, "Интер", "Барселона", "Милан", ПСЖ ва "Юнайтед", шунингдек, Швеция термасининг рекордини янгилади. У жуда мағрур, димоғдор бўлса ҳам, ўз ишининг устаси. Замонавий футболда етишмаётган персонажларни Златан чиройли қилиб тўлдириб бера олади. 

Кўпчилик унинг "Барселона"даги қисқагина фаолиятини яхши хотиралар билан эслашмайди. Унинг ўзи ҳам ушбу жамоадан кетганлигидан афсусланмаган. Кейинроқ Пеп Гвардиоланинг мухлиси бўлмаганлигини ва кўп бора каталониялик мураббий билан ишлагиси келмаслигини айтиб ўтганди. Златан Европа чемпионлар лигаси совринини боши узра баланд кўтармаган бўлса-да, 33 марта совринларга эга чиққан, шулардан 13таси Лига ғолиблигидир. 

У барибир одам қиёфасидаги шер каби бўлиб қолади. Златаннинг ўзи айтганидек, у қаримайди. У “Манчестер Юнайтед” билан ҳайрлашди. "Лос Анжелес Гелакси" билан имзоланадиган янги шартнома эса янги эранинг дебочасидир.

Миржалол Норматов таржима қилди