Ҳакам ПСЖ футболчиларини ҳақорат қилди ёхуд "камбэк" қилолмаган жанжалкаш французлар
05 мая 2021 14:16
Новости
![](https://championat.asia/upload/storage/635360_original.jpg)
![](/upload/storage/635360_220.jpg)
Ҳакам ПСЖ футболчиларини ҳақорат қилди ёхуд "камбэк" қилолмаган жанжалкаш французлар
Парижликлар тўпга эгалик қилганида "Манчестер Сити" дарвозаси олдида деярли ҳеч нима қилолмади (бутун ўйин давомида – Маркиьоснинг бош билан берган зарбасидан кейин тўсин, Ди Мариянинг жарима майдони ташқарисидан берган зарбаси ва дарвозага бирорта аниқ зарба йўқ), лекин футбол тўхтаганида жуда фаол "жанг" қилди.
Биринчи бўлимдаёқ огоҳлик қўнғироғи чалинди: Фоден майдон марказида Флоренци билан тортишиб қолди, Эррера эса Бернарду Силвани мушти билан "сийлади", сариқ карточка олди ва бир дақиқадан кўпроқ вақтни Бьорн Куйперс билан баҳслашишга сарфлади.
69-дақиқада Ди Мария "портлади". Аргентиналик Фернандиньони аввалига туртиб ўтиб кетди, таянч зона вакили ҳам жавоб берди. Тўпни олиб келиш учун ўтиб кетаётганида Ди Мария нимадир деб бақирди, лекин фақатгина сўзлар билан кифояланмади - тўпга эгилди ва тезкор ҳаракат билан "Сити" футболчиси тўпиғини босиб олди. Фернандиньо кўксига ўқ теккан аскардек майдонга қулади, Куйперс эса шу заҳоти чўнтагидан қизил карточкани олди.
Ди Мария дарҳол орани очиқ қилиш учун бош ҳакам томон қараб ҳаракатлана бошлади, аммо уни майдонга югуриб тушган Почеттино тўхтатиб қолди. Мураббий чамаси, бой берилган ярим финалнинг энг яхши якуни – обрўни сақлаб қолишлигини тушунди. Анхель тинчланолмасди, лекин кийиниш хонасига йўл олди.
Ўйин шундан сўнг тинчланмади. Аксинча, ПСЖ футболчилари рақибга нисбатан янада агрессив ҳаракат қила бошлашди. 71-дақиқада Верратти Марезни "нишонга" олди, орадан 10 сония ўтгач, Фил Фоден италиялик ўзини йиқитиши учун вазият яратиб берди. Верратти кинояли кулиш билан ҳакамга боқар ва асл айбдор у эмаслигини уқтирмоқчи бўларди, бироқ сариқ карточка айнан Маркога кўрсатилди.
Такрорий лавҳада шу эпизод давомида Александр Зинченко нимадандир қаттиқ ғазаблангани ва ёшроқ ҳимоячини тажрибали Фернандиньо тўхтатишга уринганига эътибор қаратилди. Бразилиялик футболчи "Шахтер"да ўйнаган ва Зинченко билан "тил топишиши" осонроқлиги аниқ.
Зинченко эса жамоадошини деярли эшитмади ва икки бор Куйперс олдига югуриб келиб эътироз билдирди.
Украиналикнинг ғазабига нима сабаб бўлди? Такрорий лавҳа барчасига ойдинлик киритди – Фоден майдонда ётган вақтда, Леандро Паредес футболчилар тўпланиб қолган ерга келди ва ҳеч кимга сездирмай, тўпни Фоденнинг бошига ташлаб қўйди. Куйперс бу вақт Флоренцининг эътирозлари билан оввора эди, барчасини кўрган Зинченко эса Паредесга ташланди.
Қўполликлар давом этарди, лекин яхши ҳамки иш жанжалгача етиб бормади. Бироқ ПСЖ ўйиндан кейин ҳам жангни давом эттирди. Верратти ОАВ вакилларига: "Ҳакам мени очиқчасига ҳақорат қилди. Агар биз шу каби сўзларни ишлатсак, бизни камида 10та ўйинга дисквалификация қилишади.
Бу орада Андер Эррера ҳам чиқиш қилди. Унинг фикрича, Куйперс Паредес билан суҳбатда қўпол оҳангда гаплашди ва уни қаттиқ ҳақорат қилди.
"Сити"дан Рияд Марез жавоб берди. Дубль муаллифи рақиб футболчилари ҳаракатини ўзгача таърифлади: "Улар қайсидир паллада ўзларини бошқара олмай қолишди ва тўп ўрнига оёқларимизга зарба бера бошладилар".
ПСЖ финал йўлланмаси учун "Ман Сити"га "жанг" таклиф қилишини кутгандик, лекин чиройли, ҳужумкор футбол кўринишида, аммо...
Нозима Зарипова таржимаси
Похожие новости
![AMP Logo](https://championat.asia/image/logo-amp.png)
Комментарии