Футзал. Бруно Гарсия Япония терма жамоаси бош мураббийи
21 окт 2016 12:46
Новости

Футзал. Бруно Гарсия Япония терма жамоаси бош мураббийи

Футзал бўйича испаниялик таниқли мутахассис Бруно Гарсия Япония терма жамоасига бош мураббий этиб тайинланди.

У Вьетнам терма жамоасидаги фаолияти билан барчага таниш. Гарсия вьетнамликлар билан аввалига Тошкентда ўтган Осиё чемпионатида ярим финалга қадар етиб келди ва жамоани тарихда илк маротаба Жаҳон чемпионатига олиб чиқди. Кейин эса, дебютант жамоани мундиалда нимчорак финалгача олиб борди. У сентябрь ойининг сўнгги кунларида Вьетнам терма жамоаси мураббийлигидан кетган эди. Айни пайтда Вьетнамни вақтинча терма жамоа сардори Нгуйен Бао Куан бошқариб турибди.

Бугун Бруно Гарсия билан биринчи матбуот анжумани ўтказилди.