Финални Наманган шаҳридаги катта экранда кўришни истовчилар диққатига!

Мазкур ўйинни юртдошларимиз қизиқиш билан кутишаётганлиги бор гап. Мухлисларнинг талаб истакларидан келиб чиққан ҳолда жойларда финал учрашувини катта экранда намойиш этиш борасида ишлар амалга оширилмоқда. 

Наманган вилоят футбол федерацияси ва “Навбаҳор” мухлислар клуби ишқибозларга қулайлик яратишга қарор қилишди. Яъни учрашувни байрамона руҳда ўтказиш ва терма жамоамизни қўллаб қувватлашларини таъминлаш учун Вьетнам – Ўзбекистон учрашуви катта экранда намойиш қилинади. Финал баҳсини катта экранда томоша қилишни хоҳловчилар эртага Наманган шаҳрида жойлашган Маданият ва аҳоли дам олиш масканига (аввалги Тўқимачилар саройи) таклиф этамиз. 

Мўлжал 5-кичик тумандаги “Яшил бозор” рўпарасида. Учрашув соат 13:00 да бошланади.

Бундан ташқари финал учрашуви Тошкент шаҳрида ҳам катта экранда намойиш этилади.