Фарҳод Абдумавлонов: "Тўпурарлар орасида бориш қўшимча куч беради"

Бугун чорак финалнинг иккинчи кун баҳслари бўлиб ўтмоқда. Амалдаги чемпион "Олмалиқ" "Пахтакор"ни иккинчи баҳсда ҳам таслим этди ва ярим финалга йўл олди. Бугунги ўйин (9:1)дан кейин олмалиқликлар тўпурари Фарҳод Абдумавлоновнинг фикрлари билан қизиқдик.

"Кечаги ўйинда 11:4 ҳисобида ғалаба қозонган бўлсакда, бугун "Пахтакор" ҳам бизга қарши бир неча тактикалардан фойдаланиб ўйнади. Лекин, якунда биз яна йирик ғалабани қўлга киритдик.

"Пахтакор" ёш жамоа, мана шу темпда давом этишса, келажакда яхши жамоа бўлишади деб ўйлайман.

Кўп гол ураётганим учун жамоадошларимга раҳмат айтаман, улар бўлмаганида бунчалик кўп тўп киритмаган бўлардим. Тўпурарлар орасида бориш ҳар қандай ўйинчига қўшимча куч бағишлайди ва олдинга ундайди", - дейди Абдумавлонов.