Дембеле агенти “Барселона”дан илтимос қилди

Ушбу учрашув февральда Чемпионлар лигасининг “ПСЖ” – “Барселона” (4:0) учрашуви пайтида бўлиб ўтган. Бонильонинг тасдиқлашича, “Барселона” ҳали ҳамон 20 ёшли французнинг хизматларига қизиқмоқда. Футболчининг агенти эса Испан клубидан Дембеле трансфери бўйича Дортмунд клубига расмий таклиф билан чиқишни илтимос қилди. Агент “Боруссия” раҳбарияти билан яхши муносабатда эканлиги ва ушбу трансфернинг амалга ошиши учун ҳаркат қилишини айтди.

Аммо “Барселона” ҳозирча Дембеленинг трансфери бўйича Германия клубига таклиф жўнатмаган. Бундан ташқари асосий трансфер қилиниши лозим бўлган Марко Вератти (“ПСЖ”) ва Эктор Бельерин (“Арсенал”) бўйича ҳам расмий музокарани бошламаган.

Хабар беришларича, “Боруссия” ўз ҳужумчиси учун “Барселона”дан 90 миллион евро талаб қилмоқда. Mundo Deportivoнинг тахминича, ушбу трансфер 60 миллион еврога амалга ошиши мумкин.

Дембеле Бундеслигадаги дебют мавсумида 32 та учрашувда 6 та гол урди ва 12 та голга ҳаммуаллифлик қилди.