"Бухоро": Ония ўрнига Квесиешвили

Девид Ония жамоани тарк этганидан сўнг ҳимоя чизиғи заифлашиб қолган "Бухоро" жамоаси унинг ўрнига маҳорат бобида Ониядан ҳеч ҳам қолишмайдиган ҳимоячи, грузиялик легионер Георги Квесиешвилини жамоага қайтарди.

Квесиешвили бир неча мавсум "Бухоро" шарафини ҳимоя қилди. Ўтган мавсумнинг иккинчи ярмида "Бухоро"ни тарк этиб "Олмалиқ" жамоасига ўтиб кетганди. Мана ярим йиллик танаффусдан сўнг Квесиешвили "Бухоро"га қайтди.

Мухлисларнинг ёқимтойига айланиб улгурган ушбу футболчининг қайтишини маҳаллий ишқибозлар бирдек, мамнуният билан қабул қилди.