«Бунёдкор» - «Ал Завра». Эртага ўйинолди матбуот анжумани бўлади
20 янв 2020 10:00
Новости

«Бунёдкор» - «Ал Завра». Эртага ўйинолди матбуот анжумани бўлади

Хабарингиз бор, 22 январь куни «Бунёдкор» Осиё Чемпионлар лигаси саралаш босқичи доирасида Ироқнинг «Ал Завра» жамоасига қарши майдонга чиқади.

Эртага, 21 январь куни мазкур ўйин олдидан бир қатор тадбирлар ўтказилади. Хусусан, соат 10:00да «Бунёдкор» стадионининг мажлислар залида ҳар иккала жамоа расмийлари ҳамда учрашув комиссари иштирокида митинг ўтказилади. Унда ўйин атрофидаги ташкилий масалалар ҳал қилинади. Соат 11:30да «Жар» стадионида «Ал Завра», 11:45 эса, «Бунёдкор» жамоаси бош мураббийи ҳамда бир нафардан ўйинчиси иштирокида ОАВ ходимлари учун матбуот анжумани бўлиб ўтади.

Тушдан сўнг, соат 14:00да «Ал Завра», 15:15да «Бунёдкор» жамоаси «Жар» стадионида ўйинолди расмий машғулотини ўтказилади. Ҳар иккала жамоа машғулотининг дастлабки 15 дақиқаси ОАВ ходимлари учун очиқ бўлади.

Ссылка :

Источник : fcbunyodkor.com

Получайте новости прямо в Telegram!

Рейтинг: +11