Бобур Зуҳриддинов: "Ғалабага ишонгандик"
19 мар 2016 17:51
Новости
![](https://championat.asia/upload/storage/202012_original.jpg)
![](/upload/storage/202012_220.jpg)
Бобур Зуҳриддинов: "Ғалабага ишонгандик"
Ўзбекистон Кубогининг 1/16 финал босқичидан ўрин олган "Оқ-тепа" - "Обод" (0:5) учрашувидан кейин меҳмонлар мураббийи Бобур Зуҳриддиновнинг фикрлари билан қизиқдик.
- "Оқ-тепа"ни ҳурмат қиламиз, аммо биз бугун ғалабани кутгандик ва ишонгандик. Чунки бу жамоа билан ўтган йилги ҳисоб-китобимиз бор эди. Биласизлар, аввалги мавсумда иккала учрашувда ҳам мағлубиятга учрагандик. Шу боис ўйинга жиддий тайёргарлик кўрдик ва якунда ўз мақсадимизга ортиғи билан эришдик.
Бугунги ғалабада биз олий лигада иштирок этаётганимиз ҳам муҳим роль ўйнади. Сабаби, биз янги мавсумга декабрь ойидан тайёргарликни бошлагандик. Бу орада хорижда йиғин ўтказдик. Қолаверса, олий лигада ҳам иккита учрашувда майдонга тушдик. Айнан шу жиҳатлар ҳам бугунги ғалабага туртки бўлди, дейиш мумкин, - дейди Зуҳриддинов.
Похожие новости
![AMP Logo](https://championat.asia/image/logo-amp.png)
Комментарии