Биласизми? "Локомотив" ўз майдонидаги 42та мағлубиятсиз ўйиндан сўнг яна "Пахтакор"га мағлуб бўлди
22 сен 2017 12:25
Новости

Биласизми? "Локомотив" ўз майдонидаги 42та мағлубиятсиз ўйиндан сўнг яна "Пахтакор"га мағлуб бўлди

Кеча олий лиганинг 22-туридан ўрин олган баҳсда "Пахтакор" ТТЗда "Локомотив"ни 1:0 ҳисобида мағлубиятга учратди.

Статистикага эътибор берадиган бўлсак, "Локомотив" сўнгги бор 2014 йил олий лиганинг 20-турида ўз майдонида ютқазган экан. Ўшанда ҳам "темирйўлчилар"ни "Пахтакор" ютиб кетган. Ўйиндаги ҳисоб "Пахтакор" фойдасига 3:1 бўлганди.

Ўша йили "Локомотив" "Пахтакор"дан кейин яна иккита учрашувни ўз майдонида ўтказиб, "Динамо" ва "Нефтчи"дан устун келган. 2015 йил "Локо" ўз майдонида ютқазмаган - 13 ғалаба, икки дуранг. 2016 йилги чемпионатда ҳам худди шундай натижа бўлган, яна 13 ғалаба ва икки дуранг.

Бу мавсум эса "Локомотив" бунгача 10та учрашувни ўз майдонида ўтказиб, шундан тўққизтасида ғалабага эришиб, бир бор дуранг ўйнаганди. Уйдаги 11-ўйин "Локо" учун омадсиз якунланди, жамоа ашаддий рақиби "Пахтакор"га имкониятни бой бериб қўйди.

Рақамларни умумий ҳисобда ҳисоблайдиган бўлсак, "Локомотив" 2014 йил ўз уйида "Пахтакор"га имкониятни бой берганидан бери олий лигада кетма-кет 42та учрашувдан бери ютқазмай келаётганди. Буни қарангки, "темирйўлчилар"нинг мағлубиятсиз сериясига яна "Пахтакор" чек қўйди.

Ссылка :

Источник : championat.asia

Получайте новости прямо в Telegram!

Рейтинг: +15