Баҳриддин Ваҳобов: “Қизилқум” ҳали ўз сўзини айтади”
30 июл 2016 13:00
Новости

Баҳриддин Ваҳобов: “Қизилқум” ҳали ўз сўзини айтади”

Олий лига 13-турининг кечиктирилган учрашувида “Локомотив” — “Қизилқум” жамоалари ўзаро (2:0) баҳс юритди.

Ўйиндан сўнг, навоийликлар ҳужумчиси Баҳриддин Ваҳобов ўз фикрларини билдирди.

— Аслида ҳар бир учрашувнинг ўз вақтида бўлгани яхши, — деди Баҳриддин Ваҳобов. — Энди бунинг аҳамияти йўқ. Давралар оралиғида мавсумнинг иккинчи ярмига кўнгилдагидек ҳозирлик кўрдик. Таркибга янги ўйинчилар қўшилди. Рақибимиз бежизга Осиё чемпионлар лигасида муваффақиятли қатнашмаяпти. Чемпионатимизда ҳам ишлари чакки эмас. Шунга қарамай уларга қарши ҳужумкор таркибда майдонга тушдик. Аммо шу куни ҳимоя чизиғимиздаги айрим муаммолар якунда натижага салбий таъсир қилди. Агар жамоадошларим Алишер Юсупов ҳамда Ҳамза Каримовларда жароҳат бўлмаганида ҳисоб бошқача ҳам бўлиши мумкин эди, деб ўйлайман.

“Қизилқум” ПФК Матбуот хизмати.

Ссылка :

Источник : championat.asia

Получайте новости прямо в Telegram!

Рейтинг: +6