Баҳодир Аҳмедов: "Бокудаги икки баҳсда кўрсатган ўйинимиз мени қувонтирди"

Йиғин доирасида вакилларимиз Озарбайжон терма жамоаси билан иккита ўртоқлик учрашуви ўтказди. Кеча кечқурун бўлиб ўтган иккинчи баҳсдан кейин терма жамоамиз бош мураббийи Баҳодир Аҳмедовнинг фикрлари Озарбайжон футбол федерациялари Ассосиацияси расмий сайтида чоп этилди.

Фото Футзал. Ўзбекистон МТЖ иккинчи ўйинда Озарбайжонга имкониятни бой берди ГАЛЕРЕЯ

"Биринчи бўлимда ёмон ўйнадик ва кўплаб хатоларга йўл қўйдик. Эҳтимол, биринчи учрашувдаги ишончли ўйинимиз салбий таъсир қилгандир. Рақибларимиз эса кучли иштиёқ билан агрессив ўйин кўрсатишди. Танаффусда йигитлардан ўз ўйинимизни кўрсатишди сўрадим. Иккинчи бўлимда бунинг самарасини кўрдик. Биз беллашувнинг иккинчи қисмида яхши ўйнадик ва уни ўз фойдамизга ҳал қилдик. Умуман олганда Бокудаги икки баҳсда кўрсатган ўйинимиз мени қувонтирди. Озарбайжондек кучли жамоа билан ўзимизни яхши томонлама кўрсата олдик. Рақибларимиз таркибида кучли ва тажрибали футзалчилар бор эди", - деди Аҳмедов.

Эслатиб ўтамиз, Озарбайжон ва Ўзбекистон терма жамоалари ўртасидаги биринчи учрашув 3:2 ҳисобида вакилларимиз фойдасига ҳал бўлган эрса, иккинчи тўқнашувда мезбонлар зафар қучишди - 4:3.